Ukrayna lideri Vladimir Zelenskinin Ukraynadakı münaqişəni həll etmək planı “apokalipsisə bənzəyir”.
NOCOMMENT.az xəbər verir ki, bu barədə Krım millətlərarası missiyasının rəhbəri Zaur Smirnov RİA Novosti ilə söhbətində bildirib.
“Zelenskinin Ukrayna münaqişəsinin həlli ilə bağlı qondarma planı apokalipsisə bənzəyir. Bu, təkcə dünya müharibəsinə deyil, sözün həqiqi mənasında dünyanın sonuna gətirib çıxaracaq”, – o vurğulayıb.
Bildirilib ki, Ukrayna prezidenti Vladimir Zelenskinin ABŞ-a rəsmi səfəri ərəfəsində hazırladığı qondarma qələbə planında 4 əsas məqam var.
Nəşrin fikrincə, Kiyevin Qərb tərəfdaşlarına qarşı tələblərindən biri təhlükəsizlik zəmanətlərinin verilməsi ola bilər. Söhbət NATO-ya üzv ölkələrin yeni dövlətləri təşkilata qəbul edərkən üzərinə götürdükləri öhdəliklərə oxşar öhdəliklərdən gedir.
