Türkiyədə baş verən zəlzələdən 296 saat sonra 3 nəfər xilas edilib.
NOCOMMENT Modern.az-a istinadən xəbər verir ki, bu barədə “Anadolu” agentliyi məlumat yayıb.
Biri azyaşlı olmaqla üç nəfərin Hatay bölgəsində dağıntılar altından çıxarıldığı bildirilir.
Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.
Son məlumatlara görə, zəlzələ nəticəsində 40 minə yaxın insan dünyasını dəyişib.
