AK Partiyadan Kayseri millət vəkilinə namizədliyi irəli sürülmüş Hulusi Akar mebel fabrikinin bufetində işçilərlə sahur edib.
NOCOMMENT.az xəbər verir ki, çıxış edən Akar, Türkiyənin böyüməsi və güclənməsi üçün prezident Rəcəb Tayyib Ərdoğanın rəhbərliyi altında fəaliyyətlərini davam etdirdiklərini bildirib.
Türkiyə və Kayserinin 20 ildə çatdığı səviyyəyə diqqət çəkən Akar, ölkənin və millətin rifah səviyyəsini yüksəltmək üçün çalışdıqlarını bildirib.
“Bizim birliyimiz, bərabərliyimiz önəmlidir. Fitnə çıxarmaq üçün aramıza girirlər, buna heç vaxt icazə verməyəcəyik” deyə Akar təhlükələrə, təhdidlərə və risklərə diqqət çəkib.
Türkiyənin böyüməsinin və güclənməsinin qarşısını almaq və yavaşlatmaq üçün hər cür cəhdin edildiyini qeyd edən Akar bunlardan birinin terror olduğunu vurğulayıb.
“İndi bəziləri “terro başçısını evakuasiya edəcəyik”, “terrorçulara hüquq və imkanlar verəcəyik, onları bağışlayacağıq” kimi açıqlamalar verərək terrorçuları ruhlandırırlar. Minlərlə şəhid verməklə terrora qarşı əldə edilən qazancı məhv etmək istəyirlər.” deyə açıqlama verib.
NOCOMMENT.AZ
