NOCOMMENT.az Rusiya mətbuatına istinadən xəbər verir ki, Çində keçirilən Quançjou avtosalonunda MG Cyberster elektrik rodsteri təqdim edilib. Bu barədə Carnewschina.com xəbər verir.
Avtomobilin görünüşü üzərində Londonda AIC Advanced Design Center studiyasının komandası işləyib. Avtomobilin uzunluğu 4535 mm, təkər bazası isə 2690 mm-dir. Yeni rodster ölçü baxımından Jaguar F-Type, Mazda MX-5 və BMW Z4 kimi modellərdən daha böyükdür.
MG Cyberster, Lamborghini modelləri kimi iki nəfərlik salona, qatlanan yumşaq tavana və qaldırılan qapılara malikdir. Açılan dam 50 km/saatdan aşağı sürətlə 10 saniyəyə açıla bilir.
