Bir çox hallarda xəstələri bu sual maraqlandırır: Mən nə vaxt tam sağalaram?
NOCOMMENT.az xəbər verir ki, Müdafiə Nazirliyinin Baş Klinik Hospitalın həkim psixiatrı Zaur Qasımov müalicə alan hər kəsi maraqlandıran “Mən nə vaxt tam sağalaram?” barədə danışıb.
“Mən bu dərmanları neçə müddət qəbul edəcəm? Bəzən elə hallarda olur ki, xəstələr dərmanları içdikdən 1 və ya 1 neçə gün sonra əlaqə saxlayıb yaxşılaşmadıqları barədə məlumat verirlər. Qeyd etmək istəyirəm ki, xəstələr dərmanları uzun müddət qəbul etməlidirlər. Xüsusi ilə də antidepressanlar effektini 15 gün sonra göstərməyə başlayır. Bəzi hallarda isə xəstələr bir müddət dərman qəbul etdikdən sonra özlərini tam yaxşı hiss edirlər, və dərmanı kəsməyə başlayırlar”, – deyə həkim psixiatr bildirir.
Z.Qaasımov həmçinin qeyd edib ki, müalicə zamanı bir çox hallarda dərman qəbulunu kəsəndən sonra xəstələr dərman fonunda yaxşılaşdıqları üçün, bədən özü tam sağalmadığı üçün, xəstəlik əlamətləri yenidən təzahür edirlər. “Bununla əlaqədar yenidən demək istəyirəm ki, həkim razılığı olmadan dərmanları kəsməməyi məsləhət görərdim”, – deyə psixiatr vurğulayıb.
