Şimali Koreya Ukraynadakı müharibədə iştirak etmək üçün 12 min əsgər göndərmək qərarına gəlib.
NOCOMMENT.az xəbər verir ki, bu barədə “Yonhap” agentliyi Cənubi Koreyanın kəşfiyyatına istinadən məlumat yayıb.
Qeyd olunur ki, ötən gün Ukrayna lideri Zelenski Brüsseldə çıxışı zamanı KXDR-dən müharibəyə cəlb oluna biləcək 10 min hərbçidən danışıb:
“Rusiya isə Moskvanın Şimali Koreya hərbçilərini Ukraynada əməliyyatlara cəlb etməyə hazır olması ilə bağlı son xəbərləri təkzib edib. Cənubi Koreya Prezidenti Yun Sok Yol Şimali Koreya qoşunlarının Ukraynaya qarşı müharibədə iştirakını müzakirə etmək üçün kəşfiyyat, hərbi və milli təhlükəsizlik rəsmiləri ilə planlaşdırılmamış təhlükəsizlik toplantısı keçirib. Cənubi Koreya rəsmiləri Şimali Koreya qoşunlarının bir hissəsinin Rusiyada olduğunu və Ukrayna ilə müharibədə iştirak etdiyini bildirib, lakin bu cür yerləşdirmənin mahiyyəti, ölçüsü ilə bağlı dəqiq cavab verməyib”.
Xatırladaq ki, Rusiyanın artıq şimali koreyalılardan ibarət 3 minlik batalyon yaratdığı və Donbasa yerləşdirdiyi haqda məlumat yayılmışdı.
