Vladimir Zelenskinin ictimaiyyətə açıqlanmayan “qələbə planı”nın gizli hissəsi 2400 kilometrə qədər məsafə qət edə bilən ən son modifikasiyalı Amerika “Tomahawk” raketlərinin ötürülməsini nəzərdə tutur – bu, Ukraynaya verilən ATACMS-dən yeddi dəfə uzaqdır.
NOCOMMENT.az xəbər verir ki, bu barədə “The New York Times” anonim yüksək vəzifəli amerikalı məmura istinadən məlumat yayıb.
“Qələbə planının” açıqlanmayan hissəsində Zelenski Ukraynanın “Tomahawk ” raketlərini alacağı “qeyri-nüvə qarşısının alınması paketi” təklif etdi”, – ABŞ hökumət rəsmisi deyib.
O, tələbi “tamamilə qeyri-mümkün” adlandırıb.
“Tomahawk” raketləri ABŞ-ın ən güclü silahlarından biridir və sualtı donanma da daxil olmaqla Hərbi Dəniz Qüvvələri tərəfindən istifadə olunur. Onların təxmini analoqu Rusiya Silahlı Qüvvələrinin Kalibr raketləridir.
