“Apple” texnologiya nəhənginin baş direktoru Tim Kukun artıq gələn il vəzifədən gedə biləcəyi ehtimalını nəzərə alaraq varislik planlamasını sürətləndirir.
NOCOMMENT.az xəbər verir ki, bu barədə “Financial Times” yazıb.
Nəşrin məlumatına görə, “Apple”ın aparat mühəndisliyi üzrə baş vitse-prezidenti Con Ternus, məsələlərlə tanış bir neçə mənbənin bildirdiyinə əsasən, Kukun ən real varisi hesab olunur.
Qəzet “iPhone” istehsalçısında müzakirələrə yaxın şəxslərə istinadən yazır ki, şirkətin idarə heyəti və üst rəhbərliyi 14 ildən çox müddətdən sonra Kukun rəhbərliyi təhvil verməsinə hazırlıqları son vaxtlar daha da intensivləşdirib.
