Ukrayna üzrə KİV-in yazdığı müəyyən “razılaşmalarla” bağlı Rusiya rəsmi kanallar vasitəsilə ABŞ-dən heç bir məlumat almayıb.
NOCOMMENT.az xəbər verir ki, bunu TASS-a müsahibəsində Rusiya Xarici İşlər Nazirliyinin (XİN) sözçüsü Mariya Zaxarova deyib.
“Bilirsiniz, biz artıq dəfələrlə hər şeyi, müxtəlif prosesləri hər cür təsvir edən çoxsaylı sifarişli məqalələr və məqalələr görmüşük. Sonradan heç nə təsdiqlənməyib və sair. Ona görə də bu cür yazıları dəyərləndirərkən nəyə əsaslanmalı olduğumuzu deyim. Bu məsələlərin həlli, müzakirəsi və danışıqlar proseslərinin aparılması üçün rəsmi kanallar var və bunu ABŞ-də bilirlər. Bu kanallardan istifadə etmək zəruridir. Xatırladılan kontekstdə Amerika tərəfdən XİN heç bir məlumat almayıb”, – deyə o, bildirib.
Xatirə SADİQ
