iPhone istifadəçilərini sevindirib – bu gün vacib olan funksiya telefonlara əlavə olunub. İndi “dişlənmiş alma”lı telefonlar qoruyucu maska ilə simanı tanıyacaqlar: Qurğu istifadəçiyə sadələşdirilmiş kilidləmə sistemini təklif edəcək.
Yenilik dünən dövriyyəyə buraxılmış iOS 13.5 əməliyyat sisteminin beta versiyasında diqqət çəkib. İstifadəçi üz tanıma yolu ilə smartfonun kilidini açmasına müdaxilə edən bir maska taxarsa, sistem qoruyucu vasitəni təyin edir və dərhal daxil olmaq üçün rəqəmsal şifrə daxil etməyi təklif edir. Yeni xüsusiyyət iPhone X-dan başlayaraq Face İD dəstəkləyən bütün Apple smartfonlarına “öyrədiləcək”.
iOS-un hazırkı versiyasında smartfon əvvəlcə üzün cizgilərinə görə kilidi açmağa çalışır və maska şəklində maneə ilə ilə üzləşərək cihaz sahibinə kodu daxil etməyi təklif edir. Jurnalistlər bunun üçün bir neçə saniyə gecikmənin olduğunu və cihazdan istifadənin gecikdiyini, çətinləşdiyini qeyd etmişdilər.
NOCOMMENT.az xarici resurlara istinadən xəbər verir ki, iOS-un hazırkı versiyalarında da maskalı girişi asanlaşdırmaq mümkündür. Bunu etmək üçün, iPhone istifadəçinin üzünü tanımağa çalışdığı anda ekranın mərkəzindəki Face İD mətnini vurmalısınız – bu vəziyyətdə qurğu cihaz sahibini üz cizgilərinə, görə tapmağa çalışmağı dayandıracaq. Yaxın bir neçə həftə ərzində iOS 13.5-in açıq versiyası smartfonlara yüklənəcək.
