Birləşmiş Ştatlar Avropada “Astral Cəngavər 2024” böyük hava hücumundan müdafiə və raketdən müdafiə təlimlərinə başlayıb.
NOCOMMENT.az xəbər verir ki, bunu jurnalistlər üçün keçirdiyi növbəti brifinqdə Amerika Müdafiə Nazirliyinin mətbuat katibinin müavini Sabrina Sinq bildirib.
Pentaqonun nümayəndəsinin sözlərinə görə, təlim ABŞ Müdafiə Nazirliyinin 2024-cü il üçün genişmiqyaslı qlobal təlim proqramının bir hissəsidir. Həftənin əvvəlindən başlayaraq, onlar iki həftə davam edəcək və 50-dən çox təyyarə və digər uçuş aparatları, həmçinin ABŞ, Böyük Britaniya, Latviya, Litva, Polşa və Estoniyadan 5000 hərbi qulluqçu iştirak edəcək.
Təlimlərin əsas məqsədi birgə hava və raket hücumundan müdafiəni gücləndirməkdir.
Bundan əvvəl NATO-nun İsveçdə keçirilən təlimləri zamanı paraşütlə tullanmalar nəticəsində ondan çox hərbçi yaralanıb. Aftonbladet-in məlumatına görə, ABŞ, Macarıstan və İtaliyadan olan hərbçilər zərər çəkib.
