Pentaqon “Çin ilə mümkün münaqişəyə” hazırlaşdığı üçün American Switchblade 600 sursatının istehsalı üçün maliyyəni artırmaq niyyətindədir.
NOCOMMENT.az xəbər verir ki, bu barədə Bloomberg məlumat yayıb.
“Tank öldürən pilotsuz uçan aparat… Pentaqonun Çinlə mümkün münaqişəyə hazırlaşmaq üzrə sürətləndirilmiş səylərinin bir hissəsi kimi əhəmiyyətli dəstək alacaq”, – nəşr yazır.
Qeyd olunur ki, Switchblade 600, Pentaqonun “ABŞ-ın Çinin imkanlarına qarşı çıxmasına kömək etmək üçün” 2025-ci ilin avqustuna qədər yeni sistemlər yerləşdirməyi hədəfləyən “Replikator” proqramının bir hissəsi olaraq “ictimai maliyyələşdirdiyi” aşağı qiymətli avtonom silahdır.
Tank əleyhinə pilotsuz təyyarələr Virciniya ştatında “AeroVironment” Inc şirkəti tərəfindən istehsal olunur. Agentliyin məlumatına görə, Konqres bu maliyyə ilində Replikator proqramının inkişafı üçün 500 milyon dolların ayrılmasını təsdiqləyib və Pentaqon oktyabrın 1-dən başlayaraq yeni maliyyə ili üçün eyni məbləği tələb edib.
