Avropa Komissiyası Şimali Makedoniyada demokratiyanın inkişafı və insan haqlarının qorunması proqramına 1,4 milyon avro ayıracaq.
NOCOMMENT.az xəbər verir ki, bu barədə RT müvafiq sənədlərə istinadən məlumat yayıb.
Sənəddə qeyd olunur ki, onun mühüm istiqaməti araşdırma jurnalistikasının inkişafı olacaq.
AK “fərdlərin hüquq və imkanlarını” təşviq etməyi, əsas azadlıqları qorumağı və “məlumatla xaricdən manipulyasiya” ilə mübarizə aparmağı planlaşdırır. Gözlənilir ki, ayrılan vəsait jurnalistlərin araşdırma qabiliyyətinin inkişafına, informasiyanın insan hüquqlarının təşviqi və müdafiəsinə daxil edilməsinə, dezinformasiya və kibertəhlükələrə qarşı mübarizəyə töhfə verəcək.
“Avropa Komissiyasının proqramı Balkanlarda avropapərəst və amerikapərəst siyasətə yönəlib”, -deyə Rusiya Elmlər Akademiyasının Təhlükəsizlik Araşdırmaları Mərkəzinin elmi işçisi Konstantin Bloxin bildirib.
Onun fikrincə, Avropa agentliyi digər ölkələri nəzarətdə saxlamağa çalışır və məhz bu məqsədlə belə təşəbbüsləri həyata keçirir.
