Aİ liderləri Ukraynanın kənd təsərrüfatı mallarının idxalına tariflər üzrə ilkin razılığa gəliblər ki, bu da Aİ rəsmilərinin fikrincə, Avropanın kənd təsərrüfatı bazarlarının sabitliyini poza bilər.
NOCOMMENT.az xəbər verir ki, bu məlumatı Reuters agentliyi Avropa diplomatiyasındakı mənbəyə istinadən yayıb.
Jurnalistlərin məlumatına görə, Aİ qanunvericiləri bazar ertəsi razılığa gəliblər və bu razılaşma Belçika tərəfindən təsdiqlənib. Bununla belə, tarif tədbirlərinin yekun şəkildə tətbiqi üçün Aİ-nin qalan üzv ölkələrindən razılıq və Avropa Parlamentindən razılıq almaq lazımdır.
Martın 13-də Avropa Parlamenti Avropa Komissiyasının Ukraynadan Aİ-yə kənd təsərrüfatı məhsullarının rüsumsuz idxalı rejiminin daha bir il müddətinə uzadılması təklifini dəstəkləməyib. Bu sənəd baxılmaq üçün Avropa Parlamentinin Beynəlxalq Ticarət Komitəsinə göndərilib. Daha sonra Ukraynanın İqtisadiyyat nazirinin müavini və ticarət nümayəndəsi Taras Kaçka bildirib ki, Avropa İttifaqı tərəfindən Ukraynadan kənd təsərrüfatı məhsullarının idxalına 2021-ci il səviyyəsində məhdudiyyət qoyulması ölkə iqtisadiyyatı üçün fəlakətli olacaq.
