Bu ilin yanvar-aprel aylarında Azərbaycanda 25 078,6 milyon manatlıq və yaxud ötən ilin eyni dövrü ilə müqayisədə 0,2% az ümumi daxili məhsul (ÜDM) istehsal olunub.
NOCOMMENT.az bu barədə Dövlət Statistika Komitəsinə istinadən xəbər verir.
Xatırladaq ki, yanvar-mart aylarının yekununda ölkə iqtisadiyyatında geriləmə 1,3% təşkil etmişdi.
Məlumata görə, iqtisadiyyatın neft-qaz sektorunda əlavə dəyər 8,4% azalmış, qeyri neft-qaz sektorunda isə 4,1% artıb.
ÜDM istehsalının 41,1%-i sənaye, 10%-i ticarət; nəqliyyat vasitələrinin təmiri, 7,6%i nəqliyyat və anbar təsərrüfatı, 5,7%-i tikinti, 3,4%-i kənd təsərrüfatı, meşə təsərrüfatı və balıqçılıq, 1,9%-i informasiya və rabitə, 0,9%-i turistlərin yerləşdirilməsi və ictimai iaşə sahələrinin, 19,1%i digər sahələrin payına düşmüş, məhsula və idxala xalis vergilər ÜDM-in 10,3%-ni təşkil edib.-
Əhalinin hər nəfərinə düşən ÜDM 2506,2 manata bərabər olub.
