KoronaVirus İnformasiya Portalı
BNA Hikmət Babayevi necə qurban verdi? – Təfərrüatbackend

BNA Hikmət Babayevi necə qurban verdi? – Təfərrüat

  • whatsapp
  • messenger
  • telegram
  • vkontakte
  • odnoklassniki

Bakı Nəqliyyat Agentliyinin (BNA) şöbə müdiri Hikmət Babayevin ARB telekanalında taksi xidməti ilə bağlı vahid tarif sisteminin tətbiq edilməsi və vahid dispetçer mərkəzinin yaradılması barədə təklifə aydınlıq gətirərkən ehtiyatsız fikirlər səsləndirməsi ciddi ictimai qınaqla qarşılanıb və nəhayət, sözügedən qurum məsələyə münasibət bildirməyə məcbur olub.

BNA yaydığı açıqlamada Hikmət Babayevin dediklərini onun şəxsi fikri kimi qələmə verib. “BNA-nın şöbə müdiri Hikmət Babayevin verdiyi açıqlamanın onun şəxsi fikri olduğunu, qurumun mövqeyini əks etdirmədiyini bildirir və onunla bağlı müvafiq inzibati tədbirlərin həyata keçirildiyini bəyan edirik”, – deyə Agentlik bəyan edib.

NOCOMMENT xəbər verir ki, BNA-nın bu məsələdə səmimi olmadığı barədə iddialar var. Yenisabah.az-ın əldə etdiyi məlumata görə, həmin verilişə Hikmət Babayev deyil, BNA-nın başqa bir rəsmisi dəvət alıb. Bəzi məlumatlara görə, həmin şəxs qurumun mətbuat xidmətinin rəhbəri Mais Ağayev olub. Lakin o verilişə qatıla bilmədiyindən əvəzinə Hikmət Babayev efirə çıxıb və BNA-nın məsələ ilə bağlı mövqeyini diqqətə çatdırıb. Yəni, əslində onun fikirləri heç də şəxsi mövqeyi olmayıb. Sadəcə məsələyə sərt təpki olduğuna görə BNA vəziyyətdən çıxış üçün bu yolu seçib. Digər tərəfdən, Hikmət Babayevin fikirləri sosial şəbəkələrdə iki gün müzakirə mövzusu olub. BNA isə bu müddət ərzində israrla susub. Əgər şöbə müdirinin fikirləri onun şəxsi mövqeyi olsaydı, qurum dərhal buna reaksiya verərdi.