Donald Tramp administrasiyası bütün tərəflərin yaxın günlərdə Ukraynada müharibəyə son qoymaq üçün razılığa gəlməsini gözləyir.
NOCOMMENT.az xəbər verir ki, bu barədə “Politico” yazır.
“Ağ Evin yüksək rütbəli nümayəndəsi bildirib ki, onların gözləntisinə görə, münaqişəyə son qoyacaq çərçivə sənədi bu ayın sonuna qədər və ola bilsin ki, “bu həftənin əvvəlində” bütün tərəflər tərəfindən razılaşdırılacaq”, – nəşr yazır.
Bununla belə, nəşr ehtimal edir ki, Ukrayna və avropalı müttəfiqlər yeni sülh planının hazırlanmasında iştirak etməyiblər. Rusiyanın Ukrayna ərazisinin geniş ərazilərini ələ keçirməsi, on minlərlə ukraynalı uşağın oğurlanması və ya Ukrayna üçün təhlükəsizlik təminatları ilə bağlı ən aktual məsələlərin hansı həll yollarının nəzərdə tutulduğu da bəlli deyil.
Eyni zamanda, “Ağ Evdə əhval-ruhiyyə nikbindir və belə görünür ki, plan Zelenskiyə baş vermiş hadisə kimi təqdim olunacaq”, – məqalədə deyilir.
Ağ Evin yüksək rütbəli nümayəndəsi isə belə deyib: “Bizim [Ukraynaya] təklif edəcəyimiz şey ağlabatandır… Mahiyyətsə, avropalılara tüpürmüşük. Əsas Ukrayna razı olsun”, – rəsmisi deyib.
“Politico”nun icmalçılarının fikrincə, Ağ Ev hesab edir ki, Zelenskini təqib edən korrupsiya qalmaqalları, hazırda cəbhə xəttinin harada olduğu nəzərə alınsa, Ukrayna indi elə vəziyyətdədir ki, onlar Kiyevi bu sazişi qəbul etməyə məcbur edə biləcəklər.
Xatirə SADİQ
