Cəbrayıl rayonu ərazisində ağır yol-nəqliyyat hadisəsi baş verib. Minik maşınlarının toqquşması nəticəsində 3 nəfər ölüb, 3 nəfər yaralanıb.
NOCOMMENT.az Trend-ə istinadən xəbər verir ki, yol qəzası bu gün saat 14 radələrində Cəbrayılın Marallı kəndi ərazisində qeydə alınıb.
“Mersedes” markalı avtomobillə VAZ-2107 markalı maşın toqquşub.
Hadisə zamanı Mehdi Mehdiyev, Ehtibar Əliyev və Əli Cəfərov ölüb, 3 nəfər isə xəsarət alıb.
Yaralılar Füzuli rayon xəstəxanasına yerləşdirilib.
Daxili İşlər Nazirliyinin mətbuat xidmətinin Bərdə regional qrupunun baş inspektoru, polis kapitanı Aslan Qiyaslı faktı təsdiqləyib.
Faktla bağlı cinayət işi başlanılıb, istintaq aparılır.
