"Rusiyanın Kamçatka bölgəsində - Berinq adası akvatoriyasında 6 bal gücündə zəlzələ olub. Bu barədə Rusiya Elmlər Akademiyasının Vahid Geofizika Xidməti məlumat yayıb."
NOCOMMENT.az xəbər verir ki, Rusiya Elmlər Akademiyasının Vahid Geofizika Xidməti Kamçatka yarımadası yaxınlığında baş verən güclü seysmik hadisə ilə bağlı rəsmi məlumat yayıb. Qurumun mütəxəssislərinin sözlərinə görə, yeraltı təkanlar dəniz akvatoriyasında qeydə alınsa da, sahildəki yaşayış məntəqələrinə yaxın ərazini əhatə edib: "Yeraltı təkanlar Petropavlovsk-Kamçatskdən 483 kilometr aralıda, Nikolskoye yaşayış məntəqəsinin yaxınlığında baş verib. Seysmik hadisənin episentri təxminən 28 kilometr dərinlikdə yerləşib".
Fövqəladə Hallar Nazirliyinin yerli bölmələrindən verilən məlumata görə, zəlzələ nəticəsində ərazidə hər hansı dağıntı, tələfat və ya yaralanma hadisəsi qeydə alınmayıb. Bölgədə sunami təhlükəsi elan olunmayıb, seysmik vəziyyət mütəxəssislər tərəfindən daimi olaraq nəzarətdə saxlanılır.
Sara,
NOCOMMENT.az
