Gürcüstan Daxili İşlər Nazirliyinin Miqrasiya Departamenti ölkə ərazisində qeyri-qanuni miqrasiyaya qarşı keçirdiyi növbəti genişmiqyaslı əməliyyatlar nəticəsində 113 xarici ölkə vətəndaşının deportasiya edildiyini açıqlayıb.
NOCOMMENT.az xəbər verir ki, rəsmi məlumata görə, deportasiya olunan şəxslərin siyahısı coğrafi baxımdan kifayət qədər genişdir. Siyahıda Türkiyə, Hindistan, Rusiya, Türkmənistan, Banqladeş, Nigeriya, Azərbaycan, Çin, Özbəkistan, Sudan, Keniya, Paraqvay, Filippin, İordaniya, Uqanda və Livan vətəndaşları yer alıb. Qeyd olunan şəxslərin Gürcüstan ərazisinə yenidən daxil olması rəsmi qaydada qadağan edilib.
Gürcüstanın hüquq-mühafizə orqanları cari ilin statistikasına dair də məlumat paylaşıb. Belə ki, 2026-cı ilin geridə qalan dövründə Gürcüstandan kənarlaşdırılan qeyri-qanuni miqrantların ümumi sayı 2203 nəfərə çatıb. Bu rəqəm 2025-ci ilin müvafiq dövrü ilə müqayisədə 70 faiz çoxdur ki, bu da Gürcüstanın miqrasiya qanunvericiliyinin icrasına nəzarəti əhəmiyyətli dərəcədə gücləndirdiyini göstərir.
Tunar,
NOCOMMENT.az
