Boliviyanın cənubunda avtobusun qaya ilə toqquşması nəticəsində azı 14 nəfər ölüb, 18 nəfər yaralanıb.
NOCOMMENT.az xəbər verir ki, bu barədə Tariya departamentinin polis komandiri Xose İllanes avqustun 17-də mətbuat konfransı zamanı məlumat verib.
“Biz 14 nəfərin ölümündən təəssüflənirik, daha 18 nəfərə hadisə yerinə gələn yanğınsöndürmə briqadası, polis və digər bölmələr köməklik göstərib”, – ABI onun sözlərini sitat gətirib.
Qeyd olunur ki, qəza avqustun 16-da cümə günü axşam saatlarında baş verib. Avtobus Santa Kruz şəhərinə gedirdi. Agentlik əlavə edib ki, əvvəllər müəyyən edilib ki, qəza əyləclərin nasazlığı səbəbindən baş verə bilər. Avtobusda iki sürücü və onların köməkçisi olmaqla ümumilikdə 26 nəfər olub. Zərərçəkənlər Taricə xəstəxanasına yerləşdirilib.
Boliviya prezidenti Luis Arse həlak olanların ailələrinə başsağlığı verib.
“Biz bu dəhşətli hadisəyə səbəb olan səbəblərin araşdırılmasına göstəriş vermişik. Milli hökumət adından həlak olanların ailələrinə dərin hüznlə başsağlığı veririk”, – o, X sosial şəbəkəsində (keçmiş Twitter) yazıb.
