Rusiya digər ölkələrin suverenliyinə hörmət edir və heç kimin daxili işlərinə müdaxilə etmir, bundan kənar iddialar beynəlxalq hüquqa uyğun deyil.
NOCOMMENT.az xəbər verir ki, bu barədə Kremlin sözçüsü Dmitri Peskov açıqlama verib.
Peskov hazırkı şəraitdə Ukrayna nizamlanması ilə bağlı Əbu-Dabidə üçtərəfli görüşün keçirilməsinin çətin göründüyünü bildirib. O qeyd edib ki, yeni üçtərəfli görüşün vaxtı və məkanı ilə bağlı hələlik aydınlıq yoxdur və məlumat yaranan kimi Kreml bunu ictimaiyyətə çatdıracaq.
Kreml sözçüsünün sözlərinə görə, Rusiya Prezidenti Vladimir Putin Yaxın Şərqdə gərginliyin azaldılmasına töhfə vermək üçün bütün səylərini göstərir. Putin Fars körfəzi ərəb ölkələrindən olan həmkarlarına onların infrastrukturuna endirilən zərbələrlə bağlı dərin narahatlığı İrana çatdıracağına söz verib.
Peskov həmçinin vurğulayıb ki, Yaxın Şərqdə vəziyyətin kəskinləşməsinə baxmayaraq, Ukrayna üzrə danışıqlar prosesinin tempində hələlik dəyişiklik yoxdur. Onun sözlərinə görə, hazırda Putinlə ABŞ-ın keçmiş prezidenti Donald Tramp arasında telefon danışığı planlaşdırılmır.
Sara
NOCOMMENT.az
