Avropanın Ukraynaya dəstək göstərmək və ABŞ tərəfindən Kiyevə “platin” təhlükəsizlik zəmanətləri təmin etmək üzrə aktiv səylərinə baxmayaraq, bu razılaşmaların real gücü Moskvanın mövqeyi ilə müəyyən ediləcək.
NOCOMMENT.az xəbər verir ki, bu barədə “Politico” nəşri yazıb.
Qeyd edilib ki, Budapeşt Memorandumunun taleyinin təkrarlanmasının qarşısını almaq üçün Prezident Volodimir Zelenski ABŞ Konqresinin təsdiqlədiyi müqavilə tələb edir (Yaponiya və ya Cənubi Koreya ilə olduğu kimi). Sadəcə Prezident fərmanı növbəti Ağ Ev rəhbəri tərəfindən ləğv edilə bilər.
Londonda yerləşən Krallıq Müdafiə Araşdırmaları İnstitutunun analitiki Ed Arnold qeyd edir ki, ABŞ Konqresinin təsdiqlədiyi hüquqi baxımdan öhdəlik yaradan razılaşmalar belə, avtomatik olaraq Amerikanın müharibəyə qoşulması demək olmayacaq. Şərtlərin izahı, NATO-nun 5-ci maddəsinə bənzər məzmun daxil olmaqla, dəyişə bilər.
“Nəticədə, Zelenskinin zəmanətləri nə qədər güclü hesab etməsinə baxmayaraq, onların davamlılığı hələ də Putinin interpretasiyasına bağlı qala bilər” , – deyə analitik qeyd edib.
