Yaxın Şərqdə İran və İsrailin qarşılıqlı olaraq bir-birinin ərazisinə kütləvi raket və hava zərbələri endirməsindən sonra qlobal diplomatiyada gərgin saatlar yaşanır. Bölgənin tam miqyaslı bir müharibəyə sürüklənməsinin qarşısını almaq üçün ABŞ Prezidenti Donald Tramp hərəkətə keçib.
NOCOMMENT.az xəbər verir ki, ABŞ Prezidenti Donald Tramp ilə İsrailin Baş naziri Binjamin Netanyahu arasında təcili telefon danışığı baş tutub.
"Axios" nəşrinin yaydığı eksklüziv məlumatlara görə, telefon danışığı zamanı Tramp Netanyahuya regional gərginliyi daha da artıracaq növbəti hərbi addımlardan və eskalasiyadan çəkinmək barədə birbaşa çağırış edib. ABŞ lideri israilli həmkarından İranda sabitliyin təmin olunması və rəsmi Tehranla aparılan pərdəarxası diplomatik danışıqlara əlavə vaxt verilməsini tələb edib.
Mənbələr bildirir ki, rəsmi Vaşinqton İsrailin kəskin hərbi reaksiyalarının ABŞ və İran arasında hələ də davam edən strateji təmasları və sülh prosesini tamamilə sıradan çıxaracağından ciddi şəkildə narahatdır. Ağ Ev bu səbəbdən Tel-Əvivin birtərəfli hərbi əməliyyatlarını cilovlamağa çalışır.
Sara,
