Ukrayna Prezidenti Vladimir Zelenski Rusiya ilə mümkün sülh razılaşması barədə danışıb.
NOCOMMENT.az bildirir ki, bu barədə “Insider UA” Telegram kanalı məlumat yayıb.
Zelenski Kiyevdə çıxışı zamanı deyib: “Hələlik sülh razılaşması yoxdur və olmaya da bilər”.
Daha əvvəl Polşanın PAP nəşrinə verdiyi müsahibədə Zelenski ABŞ-ın Kiyevin NATO-ya qoşulmasını istəmədiyini bildirib. “Bu gün NATO üzvlüyümüz daha da çətinləşib, çünki hazırda ABŞ-dan dəstək görmürük və bu, şübhəsiz ki, bir çətinlikdir”, – deyə o bildirib. Ukrayna lideri həmçinin əlavə edib ki, Polşa həmişə ölkəni AB və NATO üzvlüyü yolunda dəstəkləyib.
