Türkiyə Prezidenti Rəcəb Tayyib Ərdoğan bu gün Misirə rəsmi səfər edəcək.
NOCOMMENT.az xəbər verir ki, o, Misir Prezidenti Əbdülfəttah əs-Sisi ilə görüşəcək.
İkitərəfəli münasibətlər, İsrail-Fələstin münaqişəsi, habelə regional məsələlərin müzakirə olunacağı gözlənilir. Liderlərin görüşündə ticarət, müdafiə, enerji və turizm kimi müxtəlif sahələrdəki imkanlar da qiymətləndiriləcək.
Qeyd edək ki, iki ölkə arasında diplomatik münasibətlər 12 il əvvəl Misirin o vaxtkı prezidenti Məhəmməd Mursinin devrilməsindən sonra pozulub.
