Tanınmış pediatır Vaqif Qarayev vaksin əleyinə sosial şəbəkələrdə fikir bildirən şəxsləri sərt şəkildə tənqid edib.
NOCOMMENT yenisabah-a istinadən xəbər verir ki, pediatr sözügedən şəxsləri antivaksinator ordusu adlandırıb: “Yenə fəallaşıblar, vaksin əleyhinə hardansa nəsə tapıb paylaşırlar. Vaksindən sonra kiminsə qızdırması qalxıb, başı ağrıyıb, dili tutulub, təzyiqi qalxıb, kimlərsə impotent olub – kimi fikirlər səsləndirirlər. Bunların əksəriyyəti kiminsə fantaziyasının məhsuludur. Bu tip paylaşımlara on minlərlə insan – “bərəkallah”, – deyir.
Vaksindən sonra İFA (virusa qarşı antitellərin yaranması) analizinin nəticəsini paylaşanlar da var. Belə paylaşımlara maraq yoxdur. Əgər belə ağıllısansa, insanları bu bəladan qurtaracaq bir təklif ver”.
