Qış aylarında bu küçələr keçilməz olur… Sakinlər nə işə gedə, nədə uşaqları məktəbə apara bilir…
NOCOMMENT.az xezerxeber.az-a istinadən xəbər verir ki, söhbət Abşeron rayonun Digah qəsəbəsindəki Hacı Zeynalabdin küçəsindən gedir.
Ərazidə yaşayan sakinlərin sözlərinə görə hazırda Digah qəsəbəsində kanalizasiya şəbəkəsinin yenilənməsi istiqamətində işlər davam edir. Xətai küçəsində Dövlət Su Ehtiyatları Agentliyi tərəfindən layihə əsasında kanalizasiya xətləri çəkilir. Lakin Hacı Zeynalabdin küçəsinin sakinlərinin yaşadığı ərazi bu layihədən kənarda qalıb.
Sakinlərin sözlərinə görə, küçə layihəyə salınmadığından illərdir mövcud problemlə üz-üzə qalırlar. Xüsusilə də qış aylarında kanalizasiya sularının küçəni basması nəticəsində həm mənzillərə, həm də həyətlərə ciddi ziyan dəyir. Ətraf küçələrdə kanalizasiya xətləri çəkilir, amma Hacı Zeynalabdin Tağıyev küçəsi sanki unudulub. Kanalizasiya suları hər tərəfə yayılır. Sakinlər məcbur qalıb həyətlərinə qıraq ərazilərdən torpaq gətirərək yayırlar ki, qışda su evlərə dolmasın. Əhalinin iddiasına görə, məsələ barədə aidiyyəti qurumlara məlumat verilsə də, onların şikayətinə məhəl qoyulmur.
Xezerxeber.az mövzu ilə bağlı daha ətraflı videomaterialı təqdim edir.
