Gəncə şəhərində bıçaqlandığı ehtimal edilən yeniyetmənin son vəziyyəti açıqlanıb.
NOCOMMENT.az xəbər verir ki, Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, iyunun 5-i, saat 18:40-da 2010-cu il təvəllüdlü şəxs (kişi cinsli) sol kürək və bazu nahiyəsinin kəsilmiş-deşilmiş yarası (daxilə keçməyən) diaqnozu ilə Gəncə Şəhər Birləşmiş Xəstəxanasının nəzdində olan Uşaq Xəstəxanasına hospitalizasiya olunub.
“Pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb”, – deyə məlumatda bildirilir.
09:40
Gəncə şəhərində yeniyetməni bıçaqladığı ehtimal edilən şəxs müəyyən edilərək saxlanılıb.
Oxu.Az-ın məlumatına görə, 15 yaşlı yeniyetməni öz sinif yoldaşı bıçaqlayıbmış.
İyunun 5-də yetkinlik yaşına çatmayan 2010-cu il təvəllüdlü şəxsin kəsici alətlə xəsarət alaraq xəstəxanaya yerləşdirilməsi barədə polisə məlumat daxil olub.
Keçirilən tədbirlər nəticəsində hadisəni törətməkdə şübhəli bilinən 2010-cu il təvəllüdlü R.İ. saxlanılıb.
Faktla bağlı araşdırmalar davam etdirilir.
