Ukrayna Prezidenti Vladimir Zelenski ilə İngiltərə Baş naziri Bоris Cоnsоnla siyasi əməkdaşlıq, azad ticarət və partnyоrluq barədə Saziş imzalanıb.
NOCOMMENT.az axar.az-a istinadla xəbər verir ki, bu barədə Ukrayna XİN başçısı Dmitri Kuleba deyib.
“Tarixi an: bir müqavilə imzalandı. Baş nazir Boris Consonun da dediyi kimi, bu daha çox ticarət, daha çox təhlükəsizlik Ukrayna ilə İngiltərə arasında daha çox qarşılıqlı əlaqə deməkdir. Avropanın iki cinahı – qərb və şərq daha da yaxınlaşdı”, – Kuleba bildirib.
İngiltərə Baş naziri Bоris Cоnsоn da çıxışında NATO-nun Ukraynaya “Genişləndirilmiş Fürsətlər Tərəfdaşı” statusu vermə qərarını alqışlayıb və müdafiə və təhlükəsizlik islahatları üçün Kiyevə dəstəyini bildirib.