İranda 4 məhbus edam edildi.
NOCOMMENT.az xəbər verir ki, İranda İnsan Haqları Təşkilatı məlumatına görə, dünən Kərəcin Qızılhisar zindanında biri qadın olmaqla dörd məhbus dar ağacından asılıb.
Məlumata görə, məhbuslardan biri “narkotik maddələrin qanunsuz dövriyyəsi”ndə, bir qadın və iki kişi məhbus isə “qəsdən adam öldürmək”də ittiham olunublar.
Sözügedən təşkilat qeyd edib ki, hesabatlar İranın 2023-cü ildə ən azı 22 qadının edam hökmünün icara edilməsi ilə dünyada qadınları ən çox edam edən ölkə olduğunu göstərir.
Bildirilib ki, bu, 2024-cü ildə edam olunan sayca beşinci qadındır və 2010-cu ildən bəri İranda 215 qadının ölüm hökmü icra edilib.
