İsrailin aparıcı qurumlarından biri olan Bar-Ilan Universitetinin Tibb Fakültəsində çalışan elm adamları koronovirusun gedişi ilə bağlı diqqətəlayiq nəticələrə gəliblər.
NOCOMMENT.az xarici mətbuata istinadən xəbər verir ki, mütəxəssislər D vitamini çatışmazlığı olanların koronovirusa yoluxma və ya xəstəlikdən ölüm riskinin daha yüksək olduğunu müəyyən ediblər.
Araşdırmada D vitamini çatışmazlığı olan insanların ağır xəstəliyə tutulma ehtimalının 14 qat daha çox olduğu müəyyən edilib.
PLOS ONE tibb jurnalında dərc edilən araşdırmada 2020-ci ilin aprelindən 2021-ci ilin fevralına qədər 1100-dən çox iştirakçının məlumatlarının izlənildiyi bildirilib.
COVID-19 ilə əlaqəli səbəblərdən D vitamini çatışmazlığı olan fərdlərin ölüm nisbətinin 25,6% olduğu qeyd edilib. Orta səviyyədə D vitamini olanlarda ölüm nisbətinin 2,3 faiz olduğu təyin olunub.
Tədqiqatı aparan alim Dr. Amiel Dror deyib ki, bu nəticələr göstərir ki, D vitamininin normal səviyyələri virusa qarşı təsirlidir.
publika.az
