NOCOMMENT.az Rusiya mətbuatına istinadən xəbər verir ki, Çeçenistanın rəhbəri Ramzan Kadırov öz Telegram kanalında bildirib ki, respublikada Qafqazın ilk imamı Şeyx Mənsurun adını daşıyacaq yeni batalyon yaradılır.
Bölgə rəhbərinin sözlərinə görə, o, bölük komandiri Ruslan Geremeyevlə birlikdə Qudermes şəhərində taborun şəxsi heyətinin yerləşdirilməsi üçün hərbi obyektin tikintisi və yenidən qurulması işlərinin aparıldığı tikinti sahəsinə baş çəkib. O, bildirib ki, işlər son mərhələdədir.
“Mümkün olan qısa müddətdə mütəxəssislər dörd kazarmada genişmiqyaslı yenidənqurma işləri aparıb, daha ikisini tikiblər. Bütün mühəndis kommunikasiyaları dəyişdirilib, lazımi mebellər gətirilib”, – Kadırov yazıb.
O, həmçinin bildirib ki, hərbçilər üçün parad meydançası təchiz edilib.Bundan əlavə,100 yerlik yeməkxana,parkinq və namaz otağı yaradılıb.
