Kamçatka sahillərində 6,3 bal gücündə güclü zəlzələ baş verib.
NOCOMMENT.az bu barədə “RİA Novosti”yə istinadən xəbər verir.
Zəlzələnin episentrinin Petropavlovsk-Kamçatskidən 373 kilometr aralıda yerləşdiyi bildirilir. Mütəxəssislər zəlzələnin səthindən 22 kilometr aşağı uzandığını bildiriblər.
Oktyabrın 22-də Kamçatkanın şərq sahilləri yaxınlığında zəlzələ baş verib. Onun maqnitudası 5,3 olaraq qiymətləndirilib. Oktyabrın 20-də bölgədə daha bir zəlzələ qeydə alınıb, lakin o qədər də güclü olmayıb. Oktyabrın 17-də Kamçatka yaxınlığında Sakit okeanda yenidən güclü zəlzələlər baş verdi.
Oktyabr ayında da Tacikistan və Əfqanıstan sərhəddində zəlzələ qeydə alınıb. Seysmoloqlar onun maqnitudasını 5,6 bal qiymətləndiriblər. Onların sözlərinə görə, zəlzələnin mənbəyi yerin 10 kilometr dərinliyində yerləşib.
