“Kapital Bank” digər bankomatlarda nağdlaşdırmaya görə komissiya haqqı tətbiq etməyə başlayır.
NOCOMMENT.az Valyuta.az-a istinadən xəbər verir ki, yanvar ayının 15-dən etibarən Birbank Cashback və Birbank Miles kartları ilə ölkədaxili digər bankomatlardan nağdlaşdırma zamanı 2 manat (və ya Avro/Dollar) komissiya tutulacaq. Komissiya haqqın nağdlaşdırmanın həcmindən aslı olmayaraq eyni müəyyən edilib.
Bankdan həmçinin, o da bildirilib ki, “Kapital Bank”ın ölkə üzrə mindən çox bankomatı fəaliyyət göstərir və kart sahibləri 5 min manata kimi vəsaitlərini bu bankomatlar vasitəsilə pulsuz nağdlaşdıra bilərlər.
Qeyd edək ki, indiyə qədər bu kart sahibləri digər bankomatlardan vəsaitlərini komissiyasız nağdlaşdıra bilirdilər.
