Maqsud Mahmudov Ukraynada həbs olunub.
NOCOMMENT.az xəbər verir ki, Azərbaycan hakimiyyəti tərəfindən beynəlxalq axtarışa verilmiş 51 yaşlı Maqsud Mahmudov saxlanılıb. Ukrayna Milli Təhlükəsizlik Nazirliyinin yaydığı məlumatda bildirilir ki, M.Mahmudov ötən ilin noyabrından Ukraynaya gəlib və orada gizlənirmiş.
M.Mahmudov Ukraynada siyasi mühacir statusu almaq niyyətində imiş və bu səbəbdən də o Kiyevdə kirayə tutduğu evdə qalırmış. Təhlükəsizlik orqanlarının əməkdaşları 51 yaşlı azərbaycanlını Kiyevin Qoloseyski rayonunda qaldığı mənzildə yaxalayıblar
Daha əvvəl fırıldaqçılıqdan həbs olunan M.Mahmudov xaricdə Azərbaycan hakimiyyətinin əleyhinə təbliğat aparırdı.
Qeyd edək ki, onun yaxın vaxtlarda Azərbaycana ekstradisiya ediləcəyi gözlənilir.
