“Rəfahdakı hərbi əməliyyatların davam etməsi mülki əhalinin həyatını təhlükəyə atır”.
NOCOMMENT.az xəbər verir ki, bu barədə ABŞ Dövlət Departamentinin mətbuat katibi Metyu Miller bildirib.
“İsrailin məhdud bir əməliyyat keçirdiyini açıq-aydın görürük. Son bir neçə gündə İsrail Rəfahda insanların təxliyəsi barədə göstəriş verdiyini də gördük. Onlar hələ tam miqyaslı hərbi əməliyyata başlamayıblar. Mən öz adımdan deyəcəyəm ki, potensial Rəfah əməliyyatı ilə bağlı narahatlıqlarımız davam edir. Biz bunu tam aydınlaşdırdıq. İsrail hökumətinə özəl olaraq açıqladıq və təbii ki, prezidentdən tutmuş hamı bunu açıq şəkildə bildirdi. Həmçinin hər hansı potensial əməliyyatın humanitar yardımın çatdırılmasına təsirindən narahatıq”.
Onun sözlərinə görə, Rəfaha hücum, bölgəyə humanitar yardımın çatdırılmasına mane olur. Bununla da minlərlə insanın həyatı təhlükə altındadır.
