NATO-nun baş katibi Mark Rutte bildirib ki, alyans istənilən potensial rəqibin, o cümlədən Rusiya Federasiyasının hücumunu dəf etməyə hazırdır.
NOCOMMENT.az xəbər verir ki, o, Almaniyanın kəşfiyyatının Moskvanın 2030-cu ilə qədər Şimali Atlantika Alyansına hücum edə biləcəyi barədə açıqlamasını belə şərh edib.
“Son dərəcə səmimi olacağıq: NATO bizə hücum etmək qərarına gələn istənilən düşməni indi və gələcəkdə dəf etməyə hazırdır. Biz müdafiəmizə əhəmiyyətli dərəcədə sərmayə qoyuruq”, – Rutte bildirib.
Oktyabrın 14-də Almaniya Federal Kəşfiyyat Xidmətinin (BND) rəhbəri Bruno Kal bildirib ki, Rusiya yaxın 6 ildə NATO ölkələrinə hücum etmək iqtidarında olacaq və Berlin Moskva ilə birbaşa münaqişədədir. Onun sözlərinə görə, Kreml Almaniyaya düşmən kimi baxır, çünki Almaniya Ukraynaya dəstək verən ikinci böyük ölkədir.
