NATO Rusiyanın yeni nüvə enerjisi ilə işləyən, qeyri-məhdud mənzilli strateji qanadlı “Burevestnik” raketlərini ciddi təhlükəsizliyə təhdid hesab edib.
NOCOMMENT.az xəbər verir ki, Almaniyanın “ Bild” nəşri NATO-nun məxfi hesabatına istinadən yazır.
“Rusiyanın nüvə arsenalının modernləşdirilməsi başa çatıb. Hazırda Moskvanın bir neçə təkmilləşdirilmiş silahı var, o cümlədən sualtı qayıqlar, qanadlı raketlər və orta mənzilli raketlər”, – məqalədə bildirilir.
Hesabatda həmçinin Rusiyanın artıq yerləşdirməyə hazır olan yeni Burevestnik raketləri ilə bağlı xüsusilə ciddi narahatlıqlar vurğulanır. NATO kəşfiyyatı onların ciddi təhlükə yaratdığına inanır, çünki onlar yüksək manevr qabiliyyətinə malikdirlər, saatda 900 kilometr sürətə çata bilirlər və mobil buraxılış qurğularından buraxıla bilirlər. “Burevestnik” hədəfinə çatana qədər uzun müddət orbitə çıxa bilər”, – hesabatda qeyd olunur.
Daha əvvəl Rusiya prezidentinin mətbuat katibi Dmitri Peskov bəyan etmişdi ki, “Burevestnik” raketi və “Poseydon” sualtı gəmisi dünya səviyyəli irəliləyiş texnologiyalarıdır.
