NATO ölkələri Rusiyanı Uzaq Şimalda saxlamalı və bu bölgədəki müdafiə xərclərini əsirgəməməlidirlər.
NOCOMMENT.az xəbər verir ki, bu fikri Norveç Silahlı Qüvvələrinin komandanı general Eyrik Kristoffersen bildirib.
Generalın sözlərinə görə, uzun illərdir Rusiya Arktikada yenidən silahlanır, sovet dövründən qalma köhnə hərbi bazalarını bərpa edir və yeni bazalar açır ki, bu da dünyanın bu hissəsində hərbiləşmədən xəbər verir.
Kristoffersen izah edib ki, Rusiyanı cilovlamaq vəzifəsi uzun illərdir Norveç Silahlı Qüvvələrinin qarşısındadır və hələ də davam edir. Moskva qərara gəlsə ki, Qərb zəiflik nümayiş etdirir, “ruslar bundan istifadə etməyə çalışacaqlar”. Onun fikrincə, 2022-ci ildə ABŞ-la imzalanmış müdafiə sazişi belə ssenaridən yayınır: amerikalılar Norveçin müdafiə sektoruna sərmayə qoya və ölkədəki mövcud bazalardan silah və sursat ehtiyatlarını saxlamaq üçün istifadə edə bilərlər.
Eyni zamanda, Norveç NATO qoşunlarını öz ərazisində yerləşdirməyi planlaşdırmır – digər ölkələrin hərbi qulluqçuları təlimlərdə iştirak etmək üçün ölkəyə “rotasiya əsasında” gəlirlər və bu, kifayətdir. Norveçdə Amerika nüvə silahlarının yerləşdirilməsi də planları yoxdur.
