Dünən varlıq və yoxluq uğrunda mübarizə aparan bir ölkədən bu gün dünyanın hər bir kritik məsələsində söz sahibi olan bir ölkəyə çevrildik.
NOCOMMENT.az xəbər verir ki, bunu Türkiyə Prezidenti Rəcəb Tayyib Ərdoğan Malazgirt zəfərinin 950-ci ildönümü münasibəti ilə təşkil olunan mərasimdə bildirib.
“Ölkəmizi və gənclərimizi hədəf alan hücumların səbəbi budur. Gənclərimiz bu dəfə oyuna gəlmədi, gəlməyəcək. Ən son PKK və FETÖ hadisələri bizə göstərdi ki, gəncliyimizi milli və mənəvi dəyərlərlə tanıtmaq və özünü inkişaf etdirə biləcəyi hər sahədə onlara yol açmaq üçün zərrə qədər də geri durmamalıyıq. Gah sağa, gah sola, gah da ələvi-sünni, gah da türk-kürd deyərək bir-birinə qarşı qoymaq istədikləri gənclərimiz bu dəfə oyuna gəlmədi və gəlməyəcək. Artıq kiminsə və ya heç bir gücün ölkəmizə, millətimizə və gənclərimizə zərər verməsinə icazə verməyəcəyik”, – Ərdoğan qeyd edib./Axar.az
