Böyük Britaniya sanksiyalardan yayınmaq üçün mövcud hüquqi boşluqdan istifadə edərək, Rusiya neftini geniş miqyasda almağa davam edir.
NOCOMMENT.az xəbər verir ki, bu barədə The Guardian məlumat yayıb.
Nəşr göstərir ki, 2023-cü ildə Hindistan, Çin və Türkiyədən emal olunmuş neftin idxalına 2,2 milyard funt sterlinq xərclənib. 2022-ci ildə müqayisə olunan həcmlər alınıb, 2021-ci ildə isə bu məqsədlərə 434,2 milyon funt sterlinq xərclənib.
Hindistan, Çin və Türkiyə Rusiya neftinin ən böyük alıcıları sırasındadır.
“Nə qədər ki, Rusiya nefti başqa ölkədə emal olunur, o, artıq Rusiyada mənşəli hesab edilmir və bu, onun ticarət qadağasından yan keçməsinə imkan verir. Nəticədə, Rusiya nefti Böyük Britaniyaya ixrac edilməzdən əvvəl emal olunmaq üçün müttəfiq ölkələrə satılır”, – nəşr qeyd edir.
Bu arada, Böyük Britaniya hökumətinin hesabatları göstərir ki, Rusiyadan birbaşa neft idxalı 2022-ci ilin birinci rübündə 1,5 milyard funt-sterlinqdən bir il sonra sıfıra enib.
