Azərbaycan Ordusunun işğal olunmuş ərazilərin azad olunması istiqamətində keçirdiyi anti-terror əməliyyatları zamanı separatçı rejimin Şuşada andiçmə mərasimi keçirdiyi bina darmadağın edilib.
NOCOMMENT publika.az-a istinadən xəbər verir ki, məhv edilən binanın fotoları sosial şəbəkələrdə yayılıb. Prezident İlham Əliyev dünən xalqa müraciətində Qarabağda separatçıların inauqurasiya mərasimi keçirdiyini xatırladarkən belə demişdi: “Özünə andiçmə mərasimi keçirmişdi. Baxım görüm indi andiçmə mərasimini harada keçirəcək?! Yas mərasimi keçirəcək! İndi qaçıb siçan kimi gizlənib, çıxsın ortalığa!”
Xatırladaq ki, bu ilin may ayında separatçı rejimin yeni rəhbəri Araik Arutyunyan qondarma inauqurasiya mərasimini işğal altındakı Şuşa şəhərində keçirmişdi.
