Özümü körpüdən atacağam dedi, meyiti Kürdən tapıldı – TƏFƏRRÜATbackend

Özümü körpüdən atacağam dedi, meyiti Kürdən tapıldı – TƏFƏRRÜAT

  • whatsapp
  • messenger
  • telegram
  • vkontakte
  • odnoklassniki

Dəfələrlə özünü Yevlax körpüsündən atacam deyən kişinin meyiti Kür çayından tapılıb.

NOCOMMENT.az xəbər verir ki, hadisə ilə bağlı Unikal.org-abəzi təfərrüatlar məlum olub. Araşdırma zamanı meyiti tapılan şəxsin 1991 – ci il təvəllüdlü Kəlbəcər rayon sakini Mehdi Nazim oğlu Musayev olduğu müəyyən edilib.

Belə ki adıçəkilən şəxs dəfələrlə intihar edəcəyi barədə doğmalarını xəbərdar edib. O, yaxınlarına özümü Yevlax körpüsündən atacağam deyib. Ən son o bu barədə sentyabrın 26- da xəbərdarlıq edib. Həmin vaxtdan 30 yaşlı Mehdidən xəbər olmayıb.

Sentyabrın 30-da ailə övladlarının axtarışı ilə bağlı aidiyyatı qurumlara müraciət edib. Nəhayət günlər sonrası əldə olunan ilkin məlumata əsasən, Göygöl rayonunda məskunlaşan Kəlbəcər rayon sakininin meyiti Kür çayının Yevlax rayonu ərazisindən keçən dayaz bir nöqtədə suyun üzünə çıxıb.

Ətrafdakıların köməyi ilə meyit sahilə çıxarılaraq aidiyyatı üzrə təhvil verilib. Meyit axtarışı elan olunan şəxsin yaşadığı bölgəyə göndərilib.

Faktla bağlı araşdırma aparılır.