ABŞ hökuməti “Rosneft” şirkətinin Almaniyadakı törəmə şirkətinin yeni enerji sanksiyalarından azad ediləcəyinə dair yazılı zəmanət verib, çünki bu aktiv artıq Rusiyanın nəzarətində deyil.
NOCOMMENT.az “Reuters” agentliyinə istinadən xəbər verir ki, Almaniyanın iqtisadiyyat naziri Katerina Rayxe bildirib.
Nazir bildirib ki, ABŞ oktyabrın 27-də axşam saatlarında “Rosneft”in Almaniyadakı əməliyyatlarının Rusiya ana şirkətindən tamamilə ayrıldığını tanıyan “təminat məktubu” verib.
Prezident Donald Tramp administrasiyasının Rosneft və Lukoil şirkətlərinə sanksiyalar tətbiq etməsindən sonra Almaniya izahat məqsədilə Vaşinqtona müraciət edib.
Almaniya hökuməti Rusiyanın 2022-ci ildə Ukraynaya genişmiqyaslı müharibəsindən sonra “Rosneft”in aktivlərini müsadirə edib və o vaxtdan bəri qəyyumluq müddətini dəfələrlə uzadıb.
Almaniyanın Rusiya ilə “Rosneft Deutschland”ı satmaq üçün müqaviləsi olduğundan Qətər alıcı kimi qəbul edildi. Lakin tərəflər qiymət barəsində razılığa gələ bilmədiyindən danışıqlar nəticəsiz qaldı.
“Rosneft Deutschland” ölkənin ümumi emal gücünün 12%-ni təşkil edən üç alman neft emalı zavodunun payına sahibdir, ona görə də sanksiyalar ölkə üçün ağrılı ola bilərdi.
Xatirə SADİQ
