ABŞ Prezidenti Donald Trampın ABŞ və İran arasında hərbi eskalasiyanı dayandıracaq tarixi sülh sazişinin bu həftəsonu imzalanacağı barədə verdiyi sensasion açıqlama İsrail siyasi rəhbərliyində ciddi çaşqınlıq yaradıb. Vaşinqtonun bu addımı Təl-Əvivlə məsləhətləşmədən atdığı məlum olub.
NOCOMMENT.az "Axios" nəşrinin tanınmış analitiki Barak Ravidə istinadən xəbər verir ki, İsrailin Baş naziri Benyamin Netanyahu ABŞ liderinin İranla müharibəni rəsmən bitirmək barədə əldə olunan razılaşma bəyanatından tamamilə xəbərsiz olub və bu xəbəri "qəfil şok" kimi qarşılayıb. Mənbənin verdiyi məlumata görə, amerikalı rəhbər özünün "Truth Social" sosial şəbəkə hesabında sözügedən tarixi sülh mesajını dərc etməzdən əvvəl İsrail tərəfinə heç bir pərdəarxası rəsmi xəbərdarlıq və ya ilkin məlumat göndərməyib.
Siyasi ekspertlər Ağ Evin Yaxın Şərqdəki ən yaxın müttəfiqi olan İsraili bu dərəcədə mühüm bir prosesdən kənarda saxlamasını Tramp administrasiyasının regional müharibəni tez bir zamanda bitirmək və qlobal bazarlara tam nəzarət etmək strategiyası ilə əlaqələndirirlər. Netanyahunun isə ABŞ-ın bu birtərəfli sülh qərarından sonra regional təhlükəsizlik planlarını yenidən nəzərdən keçirmək məcburiyyətində qaldığı vurğulanır.
Sara,
NOCOMMENT.az
