Qubada üzərinə divar uçan şəxs ölüb.
NOCOMMENT report-a istinadən xəbər verir ki, hadisə avqustun 3-də saat 12 radələrində rayonun Xınalıq kənd ərazisində qeydə alınıb.
Belə ki, kənd sakini Zeynalov Eldəniz Zal oğlu yaşadığı kənddə “Magro Costruction” MMC tərəfindən aparılan təmir-bərpa işləri ilə əlaqədar fərdi yaşayış evinin divarlarını metal alətlə sökən zaman sökülən hissə üzərinə uçub.
Nəticədə o, aldığı xəsarətlərdən ölüb.
Faktla bağlı Quba Rayon Prokurorluğunda araşdırma aparılır.
