Suriyada PKK/YPG arasında toqquşmalar ölkənin cənubunda şiddətlənərkən, ABŞ döyüş təyyarələri ölkənin şərqindəki Deyr əz-Zorda İranın dəstəklədiyi qruplaşmalara qarşı hava hücumları həyata keçirib.
NOCOMMENT xəbər verir ki, beynəlxalq koalisiyanın dəstəyi ilə Suriyada Fəratın şərqinə nəzarət edən PKK/YPG terror təşkilatı ilə bölgədəki yerli ərəb tayfaları arasında qarşıdurmalar daha geniş əraziyə yayılır.
Fəratın şərqində beynəlxalq koalisiyanı narahat edən hadisələr yaşanarkən, ABŞ döyüş təyyarələri ölkənin şərqindəki Deyr əz-Zor əyalətində uzun müddət sonra qarşıdurmaların yenidən şiddətləndiyi İranın dəstəklədiyi qruplara qarşı hava hücumları həyata keçirib.