“Onik Qasparyan müharibənin dördüncü günü dedi ki, savaş dayandırılmalıdır, bu barədə bizə hesabat təqdim etdi”.
NOCOMMENT teleqraf-a istinadən xəbər verir ki, bunu Ermənistanın keçmiş müdafiə naziri David Tonoyan deyib.
Tonoyan keçmiş qərargah rəisi Onik Qasparyanın müharibənin dördüncü günündə Təhlükəsizlik Şurasının iclasında bir hesabat təqdim etdiyini bildirib: “Bu hesabata görə, müharibə dayandırılmalı idi”.
Keçmiş müdafiə nazirinin sözlərinə görə, Milli Təhlükəsizlik Şurasının iclaslarında dövlət sirləri müzakirə olunur və indi onun dövlət sirrini açıqlamaq istəyi yoxdur: “Müharibənin nəticələri və gedişatı barədə düzgün araşdırma aparıldıqda, bütün suallara cavab alacağıq. Bu araşdırmada iştirak etməyə hazıram”.
Keçmiş müdafiə naziri müharibədə Azərbaycana qarşı “İsgəndər” raketlərinin istifadə edilib-edilməməsi ilə bağlı sualı da cavabsız qoyub. O, dövlət sirlərini açmaq fikrində olmadığını söyləyib.
