Türkiyə əhalisi sosial media və mesajlaşma proqramları arasında ən çox “WhatsApp”dan istifadə edir.
NOCOMMENT.az xəbər verir ki, bununla bağlı araşdırmanı Türkiyə Statistika Təşkilatı (TST) aparıb.
TST müəyyən edib ki, əhalinin 86,2 faizi “WhatsApp” istifadəçisidir. Əhalinin 71,3 faizi “YouTube”dan, 65,4 faizi “Instagram”dan istifadə edir.
“WhatsApp”dan istifadə səviyyəsi kişilər arasında daha yüksəkdir. Kişilərin 89,5 faizi “WhatsApp”, 74,7 faizi “YouTube” və 67 faizi “Instagram”, qadınların isə 82,9 faizi “WhatsApp”, 68 faizi “YouTube”, 63,9 faizi “Instagram” istifadəçisidir.
